Himoyachi Serjino Dest Berlin «Union» qiziqishlari doirasiga tushgan.

Bu haqda Todofichajes Ispaniyaning Sport nashriga tayanib o'z sahifalarida xabar berdi. Shu bilan birga, bitta istisno bor - nemis klubi Destni Chempionlar ligasiga yo'l olgan taqdirdagina sotib olishga harakat qilishi mumkin.

Ayni damda «Union» Germaniya chempionati turnir jadvalida uchinchi o'rinni egallab turibdi. Jamoa navbatdagi o'yinni 1 aprel kuni o'z maydonida «Shtutgart»ga qarshi o'tkazadi.

Hozirda 22 yoshli Serjino Dest «Milan»da ijara asosida o'ynamoqda. Avvalroq Italiya top-klubi amerikalik futbolchini mavsum yakunida «Barselona»dan sotib olmasligi haqida xabar berilgandi.

Manba: stadion.uz