Assalom-u alaykum, Mehmon! Soat: 04:09
KirishRo'yxatdan o'tish
Kriket. Hindiston jamoasi mag'lub etildi FOTOGALEREYA
  5 May, 06:05  17

.

Jamoaviy sport turlaridan sanalgan kriket ommaviyligi jihatdan futboldan keyingi o'rinda turishini ko'pchilik yaxshi bilsa kerak.

Mazkur sport turini mamlakatimizda ham keng ommalashtirish maqsadida O'zbekiston kriket federacyaisi tomonidan bir qator ishlar amalga oshirilmoqda.


Kriketni keng targ'ib etish va rivojlantirish, ayniqsa, yoshlar orasida ushbu sport turini ommalashtirish, qolaversa, iqtidorli sportchilarni erta aniqlash va terma jamoalarga jalb etish maqsadida poytaxtimizdagi “Yoshlik” sport majmuasida O'zbekiston kriket federaciyasi Hindistonning mamlakatimizdagi elchixonasi bilan hamkorligida kriket bo'yicha o'rtoqlik uchrashuvi o'tkazdi.


Mazkur hamkorlikdagi do'stona uchrashuvda Toshkentning “Anfa” kriket klubi jamoasi Hindistonning O'zbekistondagi elchixonasi vakillari hamda mamlakatimizda yashab, turli sohalarda mehnat qilayotgan hindistonliklardan iborat “India Club Tashkent” klubi jamoasiga qarshi bahs olib bordi.  


Ayni paytda kriket bo'yicha jamoalarimiz orasida etakchilik qilayotgan Toshkentning “Anfa” kriket klubi jamoasi tajribali raqib jamoaga munosib qarshilik ko'rsatdi. Ikki bo'limdan iborat bo'lgan shiddatli va murosasiz o'yinda “Anfa” jamoasi “India Club Tashkent” jamoasini 2 ochko farqi bilan (119:121) mag'lub etib, g'alabani tantana qilishdi.


Manish PRABHAT, Hindistonning mamlakatimizdagi Favqulodda va muxtor elchisi:

- Bizni ushbu o'yinga taklif etgani uchun O'zbekiston kriket federaciyasiga o'z minnatdorchiligimni bildiraman. Bugun muhim kun. Boisi, O'zbekiston kriket federaciyasining “Anfa” kriket klubi jamoasi hamda mahalliy hindlar klubi o'zaro bellashishmoqda. O'yin judayam qiziqarli kechmoqda. Kriket sporti Hindistonda judayam mashhur sport turi hisoblanadi va Hindiston kriket jamoalari dunyodagi eng yaxshi jamoalar safida etirof etiladi. SHuningdek, Hindiston ushbu sport turini jahon bo'ylab targ'ib qilishga harakat ham qiladi. Kriket bo'yicha shunday yaxshi jamoa shakllanib kelayotganidan juda xursandman. Hindiston elchixonasi tomonidan qo'limizdan kelgancha O'zbekisistondagi kriketni qo'llab-quvatlashga harakat qilamiz. SHu fursatdan foydalanib, O'zbekiston hukumatiga ham o'z minnatdorchiligimizni bildirmoqchiman. Hukumatingizning xayriya ishlari hamda Hindistonga yuborgan gumanitar yordami (dori-darmon, kislorod konsentrator) tahsinga sazovor. Bunday chin insonparvarlik uchun tashakkur va rahmat deymiz.


Aziz MIXLIEV, O'zbekiston kriket federaciyasi raisi: 

- Hamkorlikda tashkil etilgan o'rtoqlik uchrashuvida ko'rib turganingizdek, mamlakatimizda istiqomat qilayotgan hindistonlik, Pokiston va afg'onistonlik do'stalirimiz muxlis sifatida ham kelib, chuqur hayajon bilan o'yinni kuzatishdi. Mazkur o'ziga xos tarzda tashkil etilgan o'rtoqlik uchrashuvi ham kriketni ommaviyligini taminlashda, yoshlar orasida rivojlanishiga turtki bo'ladi. Qolaversa, “Anfa” jamoasi vakillari uchun bu kabi o'yinlar tajribalarini boyitishga xizmat qiladi. SHu o'rinda bevosita federaciyamizning rivojlanishi yo'lida amalga oshirilayotgan ishlar xususida gapiradigan bo'lsam, avvalo biz xalqaro maydonga chiqishimiz uchun Xalqaro kriket kengashi tomonidan ayrim talablar qo'yilgan va shu talablar ustida jadal suratlarda ish olib boryapmiz. XKKning asosiy talablariga ko'ra O'zbekiston kriket federaciyasining o'z hisobida bo'lgan ikkita kriket maydoni bo'lishi shart. SHuningdek, erkaklar va ayollardan iborat sakkiztadan jamolar tashkil etilishi kerak. Biz hozirda kriket maydonchalarining qurilish jarayonlari, jamoalarning shakllantirish ishlariga asosiy etiborni qaratganmiz. Bundan tashqari kriketni doimiy tarzda ommaga keng targ'ib etish, yoshlarni kriketga jalb etish va rivojlantirish maqsadida har oyda musobaqalar, tadbir va o'rtoqlik uchrashuvlar tashkil etib boramiz.






comhttps://olamsport.com/uploa ... l.jpg class="fr-fil fr-dib">


comhttps://olamsport.com/uploa ... l.jpg class="fr-fil fr-dib">

Ilhom RAHMONOV tayyorladi 


Manba: olamsport.com

Yangiliklarni Telegramda o'qing!
BILDIRILGAN FIKRLAR

Фойдаланувчи қоидалари
E-mail: maydon.net@gmail.com
© Maydon.net— «Спорт янгиликлари»