11.07.2019, 21:30

Yana bir o'zbek bokschisi jiddiy raqibga qarshi chempionlik kamari uchun ringga chiqadi

Professional boksning o'ta engil (-50,8 kg) vazn toifasida ringga chiqayotgan Olimjon Nazarov (18-5, 11 KO) 25 avgust kuni chempionlik kamari uchun jangga chiqadi. Bu haqda GoSport.uz internet-nashri manbalari xabar bermoqda.

Ma'lumotlarga ko'ra, 33 yoshli bokschi 25 avgust kuni filippinlik Ivan Sorianoga (20-2-1, 10 KO)qarshi ringga ko'tariladi. Mazkur jang WBO International chempionlik kamari uchun kechadi.

Eslatib o'tamiz, Olimjon Nazarov ayni vaqtda Janubiy Koreyaning Cocky Buffalo promouterlik kompaniyasi tarkibida mashg'ulotlar olib bormoqda. So'nggi marta u 16 iyun kuni Toshkentda bo'lib o'tgan boks oqshomida gruziyalik Mishiko Shubitidzeni (11-14-2, 4 KO) birinchi raunddayoq texnik nokaut evaziga mag'lubiyatga uchratgandi.

Ma'lumot uchun, Ivan Soriano ancha mashhur bokschi bo'lib, ayni vaqtda u birinchi o'ta engil vazn toifasida IBF reytingida 10, WBO reytingida 11-o'rinda bormoqda. Soriano Nazarov bilan jangda o'rtaga qo'yilgan kamar uchun bir marta ringga chiqib mag'lubiyatga uchragan.

Mavzu bo'yicha:

O'zbekistonlik yana bir engilmas bokschi chempionlik kamari uchun ringga chiqadi

Bahodir Jalolov jiddiy raqibga qarshi jang qiladi

Shahram G'iyosovning sakkizinchi jang sanasi ma'lum bo'ldi

Shohjahon Ergashevdan WBA kamari olib qo'yildi

Isroil Madrimov debyut jangidayoq chempionlik kamari uchun ringga chiqadi